Qiraətçi verilişi

Qiraətçi

Bu yaxınlarda ARB Günəş telekanalında yayımlanan Təhsil TV və adı çəkilən kanalın birgə layihəsi olan “Qirətçi verilişində liseyimizin    şagirdləri  və ədəbiyyat müəllimi Ruhəngiz Muradxanlı iştirak etmişlər. Verilişin formatına uyğun olaraq bədii əsər müzakirəsinə qatılan şagirdlər ispan yazıçısı M.D. Servantesin “Don Kixot” əsərini müzakirə etmişlər.Dünya ədəbiyyatında ən populyar romanlardan sayılan “Don  Kixot” şagirdlərin müzakirəsində yeni aspektlərdən təsvir edilmişdir. Liseyimizin VIII sinif şagirdləri Nigar Ələkbərli,Selcan Məmmədli,Ramin Məmmədzadə,Zərifə Zaxarova,Azər İsmayılzadə,Leyla İslamova,V sinif şagirdi Mehran Camalxanov,VII sinif şagirdi Ayxan Camalxanov bədii ədəbiyyata olan həvəs və istəklərinin nəticəsində maraqlı mülahizələr söyləmişlər.  Məhz bunun nəticəsində veriliş canlı  və effektli bir şəkildə təqdimatını tapmışdır.Verilişin əvvəlində Ruhəngiz Muradxanlı liseyimiz haqqında hərtərəfli məlumat vermiş,əldə etdiyimiz uğurlardan bəhs etmişdir.Maraqlı diskussiya şəklində  keçən  veriliş,hesab edirik ki,tamaşaçıları da razı salmışdır.

Blog Attachment